NOTICIAS
OFERTA DE EMPREGO NO CONCELLO DE MAÑÓN
Contratación de 2 prazas de peón/peoa
Na ligazón da Sede electrónica de Mañón está colgada a seguinte convocatoria de oferta de emprego:
CONTRATACIÓN LABORAL TEMPORAL DE DÚAS PRAZAS DE PEÓN/PEOA AO ABEIRO DO PROGRAMA DE AXUDAS Á CONTRATACIÓN DE PERSOAL PARA A EXECUCIÓN DE OBRAS E SERVIZOS MUNICIPAIS DA DEPUTACIÓN PROVINCIAL DA CORUÑA (PEL CONCELLOS 2026) – (EXPEDIENTE 2026/E001/000005)
- Bases reguladoras
- Anexo I (solicitude)
- Anexo II (relación de méritos e documentación)
CONTRATACIÓN DA EXPLOTACIÓN DO CHIRINGUITO DA PISCINA MUNICIPAL
No taboleiro de anuncios da SEDE ELECTRÓNICA DO CONCELLO DE MAÑÓN (preme na ligazón) aparece colgada toda a información sobre a CONTRATACIÓN DA EXPLOTACIÓN DO CHIRINGUITO DA PISCINA MUNICIPALAtoparedes:- NOTA INFORMATIVA- PREGO DE CLÁUSULAS ADMINISTRATIVAS PARTICULARES REGULADORAS DA CONTRATACIÓN, POR PROCEDEMENTO ABERTO, DA EXPLOTACIÓN DO CHIRINGUITO DA PISCINA MUNICIPAL.-PREGO DE PRESCRICIÓNS TÉCNICAS PARA A EXPLOTACIÓN DO CHIRINGUITO DA PISCINA MUNICIPAL.Máis información nas oficinas do concello, tfno 981414002
ESCOLA MAÑÓN SAUDABLE
ESCOLA MAÑÓN SAUDABLE
Con motivo do Día internacional de acción pola saúde das mulleres que se conmemora o vindeiro 28 de maio, a área de Servizos Sociais e Igualdade do Concello de Mañón organiza varias charlas-faladoiros-obradoiros no marco do programa Escola Mañón Saudable.
Existe a posibilidade de facer uso dun servizo de canguraxe, sempre con reserva previa. A actividade sobre exercicio físico está pensada para mulleres pero a de repouso e sono e a de benestar emocional están abertas á participación de mulleres e homes. Para inscribirte ou recibir máis información podes contactar en igualdade@manon.es, nas oficinas municipais ou no 681 14 70 29. Tamén podes facelo directamente nos enlaces de inscrición que acompañan a cada actividade (sempre e cando non precises canguraxe).En todas as actividades se enviará diploma de asistencia.
CHARLA-OBRADOIRO: Exercicio físico na saúde das mulleres Venres, 29 de maio ás 17:00h Abeiro do Sor (Mañón) Abeiro do Sor página oficialImparten: Laura Ares e Sara Rodríguez, fisioterapeutas.
Obxectivos: coñecer a importancia de desenvolver actividades físicas que compensen o envellecemento e a perda de masa corporal, favorecendo a prevención de enfermidades.Dirixido a: mulleres. Inscrición directa en (se precisas canguraxe contacta co concello): https://feweb.sergas.gal/FEWEB/InscricionCidadan.aspx...
CHARLA-FALADOIRO: Repouso e sono Xoves, 4 de xuño ás 17:00h Centro Sociocomunitario O Barqueiro (Mañón)Imparte: Enrique del Arco, licenciado en farmacia e técnico de prevención de riscos.
Obxectivos: coñecer que é o sono e porque é esencial para a saúde física, emocional e cognitiva, identificar os principais cambios que ocorren no sono co paso dos anos, reflexionar sobre hábitos e factores que afectan ao sono, ofrecer pautas para mellorar a calidade do descanso, fomentar unha visión crítica fronte ao uso de fármacos para durmir. Dirixido a: mulleres e homes, poboación adulta. Inscrición directa en (se precisas caguraxe contacta co concello): https://feweb.sergas.gal/FEWEB/InscricionCidadan.aspx...
CHARLA-FALADOIRO: Benestar emocional Luns 8 de xuño ás 17:00h Teleclub GranSor (Grañas do Sor). Imparte: Jéssica Díaz, psicóloga.Obxectivos: facilitar ás persoas participantes ferramentas sinxelas para identificar, expresar e xestionar as súas emocións; favorecer o desenvolvemento de estratexias de afrontamento adaptativas ante os cambios; potenciar a autoestima, a confianza persoal e a percepción de control sobre a propia vida; fomentar relacións sociais positivas e o apoio mutuo como factores protectores do benestar emocional; contribuír a que as persoas participantes incorporen hábitos e actividades que favorezan unha vida máis satisfactoria e equilibrada. Dirixido a: mulleres e homes, poboación adulta. Inscrición directa en (se precisas canguraxe contacta co concello): https://feweb.sergas.gal/FEWEB/InscricionCidadan.aspx...
Coa colaboración da Escola Galega de Saúde para a Cidadanía da Xunta de Galicia.Agardámoste! Comparte!
17 MAIO - DÍA DAS LETRAS GALEGAS
Programación cultural para celebrar as letras galegas 2026
O 17 de maio celébrase o Día das Letras Galegas para homenaxear a literatura e a língua galegas, conmemorando a publicación de "Cantares Gallegos" de Rosalía de Castro en 1863, obra que marcou o inicio do "Rexurdimento". Cada ano, a Real Academia Galega dedica ese día a unha persoa ou colectivo concreto, sendo este 2026 na homenaxeada a autora, periodista e activista Begoña Caamaño (Vigo, 1964 – Santiago de Compostela, 2014).
O Concello de Mañón, a través do departamento de cultura composto pola Biblioteca Pública Municipal do Barqueiro-Mañón e a Animación Sociocultural, ofrece unha ampla programación para celebrar esta data tan importante na cultura de Galicia con propostas moi variadas:
*EXPOSICIÓN*. A partir do luns 11 maio, exposición sobre a vida e obra de Begoña Caamaño na sala de actividades da biblioteca municipal.
*DOCUMENTAL* "Begoña Caamaño: navegar no pracer do azul", película documental da RAG. Centro Sociocomunitario. Venres 15 maio ás 19:00 h. Entrada libre e de balde.
*TEATRO* O alumnado de oratoria de 4º ESO do IES Ortigueira representará a obra escrita por eles "A consulta da doutora Matasanos" ao alumando do CEIP Francisco López Estrada e ao público xeral o venres 22 maio ás 12:00 h na biblioteca municipal.
*PRESENTACIÓN DUN LIBRO* O autor galego Xosé María Ferro Formoso presentará o seu segundo libro "Oblea" o venres 22 maio ás 19:00 h na biblioteca municipal. Agardamos que a programación proposta sexa do voso interese e convidámosvos a asistir a todas as actividades que son con entrada libre e de balde.
Por suposto, animámosvos a ler en galego, non só lecturas clásicas senón tamén libros actuais, que son moitos e moi bos! Feliz e longa vida ás letras galegas!
